DIE 3. NACHT & Endlich baden!

Ir Nacht si zäut gleit wordä und aui schiists a. (d JuBla wo ir Nöchi äs Lager het, isch tschuld)

Racheaktion wird plant.

Am Morgä si mir ersch am achti gweckt wordä und äs het Pancakes zum Zmorgä gä. Bim Schlumpfzäut hets äs paar chranki. D Momos het ir Nacht ds Chili con carne usä kotzt und d Ciella uds Wäspi hei ä Usschlag, ke ahnig vo was. Dr Räscht het Buuchweh oder Chopfweh. Schüsch loufts eigätläch guät.

LG
Papaya, Demeter, Pluto, Theia, Sol, Magma, Lavaja

------------------------------------------------------------------------------------------------------------------------

Mir hei öppis über «Hygiene» glehrt und nach langem warte ändlech chönne bade. Mit Gurke und Bravoheftli hei mir üse Wellness-Morge i voue Züg gnosse. Di mega mega cooli Paka het üs ä Tisch und es Bänkli gmacht, aber irgendwie hei gliich nid aui platz. Wo si z Bänkli het wöue Fertig mache, het ihri Bohrmaschine afa rouchne.Di liebi Chuchi het üs nächär Ultra feins Fried-Rice gkocht.

LG
Papaya, Demeter, Pluto, Theia, Sol, Magma, Lavaja